Մուշեղ Իշխան

Մուշեղ Իշխան ծնվել է Թուրքիայի Անկարայի նահանգի Սիվրիհիսար գյուղաքաղաքում 1914թ:1915թ նրա ընտանիքը աքսորվում է Դեյր Էզ Զոր:1918թ մահանում է հայրը: 1928թ նա ավարտում է դամասկոսի Հայոց ազգային վարժարանը, հետո Բեյրութի Հայ ճեմարանը, 1938-1949թթ հաճախում է Բրյուսելում մանկավարճության և գրականության դասընթացների: 1941-1951թթ խմբագրել է Բեյրութի <<Ազդակ>> թերթը: Մինչև կյանքի վերջին տարին1990թ նա աշխատել է Բեյրությի հայ ճեմարանում դասավանդելով հայոց լեզու և գրականություն, մանկավարժություն  և հոգեբանություն Մուշեղ Իշխանի ստեղծագործությունները հայ տարագիր մարդու պայքարի դրսևորումն է հանուն սեփական դիմագծի պահպանմանւ, ազգային և մարդկային իդեալների կենսագործման: Նրա բանաստեղծություններից շատերում <<Տուներ ու երգեր>>, <<Հայաստան>>, << Ոսկի աշուն>>, <<Տառապանք>> և այլն երևում է նուրբ քնարականություն և խոհականություն: Երևանում բեմադրել են դրա պիեսներից <<Կիլիկիո արքան>> և <<Մեռլինը որքան դժվար է >>: Արյակ գործերից են <<Հացի և լույսի համար>>, <<Հացի և սրիո համար>>, <<մնաս բարով մանկություն>>, վեպերը և <<Սպասում>> վիպակը: Տաղանդավոր Արթուր Մեշչյանը իր երգերի մեծ մասը գրել է Մուշեղ Իշխանի բանաստեղծությունների հիման վրա:

Տարօրինակ մարդ արարած

Տարօրինակ, տարօրինակ մարդ արարած

Մոմի լույսով` խավարի մեջ համատարած

Կհալածես դու տեսիլքներ արևավառ

Կխարխափես և խավարին չես հավատա:

Արցունքներիդ միգամածին խորին տմույն

Գիտես նայել արշալույսի ճաճանչներին

Սգի քողի տակ հուսալից դու սիրահար`

Կտառապես և վշտերիդ չես հավատա:

Վզիդ շղթա և թևերիդ ծանր կապանք`

Դու կփորձես արծիվներին վայել ճախրանք

Եվ այս կյանքի մեծ բանտի մեջ բազմակամար

Դու կխեղդվես` շղթաներիդ չես հավատա:

Փուշ ու տատասկ քեզ կարյունեն ճամփիդ վրա,

Բայց խոցոտված քո մատներով արյունլվա

Դու կորոնես ծաղիկների հոգին պայծառ,

Ցավից կոռնաս և ցավերիդ չես հավատա:

Տարօրինակ, տարօրինակ մարդ արարած

Քո ձեռքերով հողին կտաս կյանքեր ծաղկած

Կզգաս դեմքիդ մահվան քամին և հողմավար

Կընկնես անշունչ, սակայն մահվան չես հավատա:

Տարօրինակ, տարօրինակ մարդ արարած

Մոմի լույսով` խավարի մեջ համատարած

Կհալածես դու տեսիլքներ արևավառ

Կխարխափես և խավարին չես հավատա: